Ысык-Көл облусунун Жети-Өгүз районунда тургундун үйүнөн 25 даана мыйзамсыз кыйылган карагайлар аныкталды. Бул тууралуу Ысык-Көл ОИИБдин басма сөз кызматы билдирди.
Билдирүүгө ылайык, Жети-Өгүз районунун тургундарынын бири үйүндө мыйзамсыз кыйылган Тянь-Шань карагайларын сактап жүргөндүгү тууралуу маалымат түшкөн.
Текшерүү учурунда, аталган жаран Ак-Кочкор айылынын тургуну И.А. аттуу жаран экендиги аныкталып, үйүнүн короосунан тиешелүү уруксат кагаздары жок 25 даана тянь-шань карагайы табылып алынган.
Аталган факт Жети-Өгүз РИИБдин маалымат электрондук журналына катталып, юридикалык баа берүү үчүн, топтолгон материалдар тергөө кызматына өткөрүлүп берилди.
