ЖКнын төрагасы Талант Мамытов баштаган кыргыз парламантинин делегациясы Россия болгон иш сапарынын алкагында Санкт-Петербург шаарында жашаган мекендештер менен жолугушту.
Анда төрага Миграция, мекендештер жана чет өлкөлөрдөгү диаспоралар маселелери боюнча кеӊеш түзүлгөнүн маалымдады.
Аталган Кеңеш чет жердеги мекендештерди колдоо боюнча сунуштамаларды өз убагында иштеп чыгууну камсыздайт.
Жолугушуу баарлашуу форматында уланып, Россияда каза болгондордун сөөгүн Кыргызстанга жеткирүүдөгү кыйынчылыктар, эки өлкө ортосундагы авиабилеттердин кымбаттыгы, «Мекен-Карт» системасын киргизүү, Санкт-Петербург шаарында жайгашкан Ч.Айтматов атындагы эс алуу жайын өнүктүрүү, Башкы консулдук ачуу, эмгек мигранттарынын үй-бүлө мүчөлөрүн Милдеттүү медициналык камсыздандыруудан өткөрүү жана билим берүү тармагын жакшыртуу сыяктуу маселелер айтылды.
Жолугушууга депутаттар Каныбек Иманалиев, Айнуру Алтыбаева да катышкан.