Жогорку Кеңеште автордук укуктар тууралуу өзгөртүүлөр каралды. Бул тууралуу Жогорку Кеңештин басма сөз кызматы билдирди.
Маалыматка ылайык, бүгүн, 3-марттагы Жогорку Кеңештин жыйынында «Автордук жана чектеш укуктар жөнүндө» Кыргыз Республикасынын мыйзамына өзгөртүү киргизүү жөнүндөгү» мыйзам долбоору экинчи окууда каралды.
Буга чейинки жыйында баяндама жасаган демилгечи депутат Саматбек Ибраев мыйзам долбоорунун максаты укук колдонуу жана сот тажрыйбасында автордук мүлктүк укуктарды бузгандыгы үчүн акчалай компенсацияны өндүрүү жөнүндө талаптарга байланышкан маселелерди жана талаш-тартыштарды кароодогу кенемтелерди жокко чыгаруу экенин белгилеген. Жыйынтыгында мыйзам долбоору экинчи окууда добуш берүүгө жөнөтүлдү.
