Жогорку Кеңештин депутаты Нодирбек Каримов Өзгөн шаарынын мэри болуп шайланды. Бул тууралуу Борбордук шайлоо комиссиясынан билдирет.

Маалыматка караганда, шайлоо жабык өттү. Өзгөн шаарынын мэрлигине 3 талапкер ат салышкан. Жыйынтыгында Нодирбек Каримов 17 добуш, Азамжан Джалилов 14 добуш алса, Мухтаржан Халматов добуш алган жок.

Өзгөн шаардык кеңешинде 31 депутат бар.

Каримов Нодирбек Тохтосинович 1970- жылдын 19-октябрында Өзгөн районунда туулган. 1993-жылы Алматадагы технологиялык институттан инженер адистигине ээ боулп чыккан.

— Эмгек жолун 1993-жылы Өзгөн районундагы Т. Каримов атындагы «Өзгөн дан азык» акционердик коомунда иштөө менен баштаган;

— 1998-2013-жылдары Өзгөн районундагы Т. Каримов атындагы «Өзгөн дан азык » акционердик коомунун төрагасы болуп иштеген;

— 2013-жылда Ош облусунун Өзгөн районун Өзгөн шаарынын мэри болуп шайланган.
— 2015-жылдын 4-октябрында Кыргызстан социал демократиялык партиясынан Жогорку Кеңештин депутаты болуп шайланган.

Үй-бүлөлүү, 4 баланын атасы.