Эреже бузган айдоочуларга 1-сентябрдан тартып жеринен жол эрежесин боюнча сурамжылоо жүргүзүп, жооп бере албай калгандарды кайрадан сынакка жөнөтөт. Учурда жумушчу топ сурамжылоонун жана сынакка жөнөтүүнүн жол-жобосун иштеп чыкты. Жакынкы күндөрү коомдук талкууга чыгарылат.
ЖКККББнын борбордук аппарты жана жер-жерлердеги кызматкерлери ИИМдин ардагерлери, дин кызматкерлер, студенттер менен бирге айдоочуларга түшүндүрүү иштерин жүргүзүүдө.
Үгүт-насаат иштеринин алгачкы күндөрүнө караганда, азыр айдоочуларда кыйла түшүнүк бар, жол эрежелерин кайталоого кызыгуусу жогору. Айдоочуларды токтоткондо, жол эрежеси боюнча китептерди кайдан алсак болот деп сурап, жол эрежесин толугураак жооп берген айдоочулардын саны көбөйүүдө.
Өлкөнүн баардык аймактарында үгүт-насаат иштери, LED экрандарга жол эрежелери тууралуу роликтер көрсөтүлүп, жол эрежелерин камтыган китептерди басып чыгаруу иштери жүрүүдө.
