Аскер прокуратурасы тарабынан ӨКМдин 86123 аскер бөлүгүнүн аскер кызматкерлерине карата офицер тарабынан күч колдонуу фактысы боюнча кылмыш иши козголду.
Кылмыш ишинин козголушуна 11-майда массалык маалымат каражаттарына жарыяланган зордук-зомбулук фактысы жазылган видеотасма себеп болгон.
Тергөө Бишкек гарнизонунун Аскердик прокуратурасына тапшырылды. Тергөөнүн жыйынтыгы менен күнөөлүү адамдардын аракеттерине тиешелүү юридикалык баа берилет.
«Тергөө иштерин ар тараптуу жана ыкчам жүргүзүүнүн алкагында жабыркаган аскер кызматкерлери Аскердик прокуратурага жеткирилип, алардын катышуусунда зарыл болгон тергөө амалдары жүргүзүлүүдө», — деп айтылат маалыматта.
