Билим берүү жана илим министри Догдуркүл Кендирбаева быйыл Жалпы республикалык тестирлөөдө 217 балл алган Жумабү Максүтовага президент Садыр Жапаровдун атайын белегин тапшырды.
Жумабү Максүтова Жалал-Абад облусунун Тогуз-Торо районундагы №3 Бейше Үрстөмбеков атындагы орто мектебин бүтүргөн. Ал Бишкектеги “Ала -Тоо” Эл аралык университетинде “эл аралык бизнес жана экономика” адистигин тандагандыгын айтты.
Министрдин кабыл алуусуна Жумабү Максүтова менен кошо анын таенеси, “Эл агартуунун мыктысы” Дамира Кашкариева жана башталгыч класс мугалими Жазгүл Дардаилова болду.
