Нарын облусунун Жумгал районунда дайынсыз жоголгон жарандын жансыз денесин ИИМдин Баңгизаттарды мыйзамсыз жүгүртүүгө каршы күрөшүү кызматынын Кинологиялык борборунун кызматкерлери табышты.
Бүгүн, 14-ноябрда ИИМ БМЖКККнын кызматтык-издөө иттеринин жардамы менен дарыянын жээгинен 45 жаштагы адамдын жансыз денеси табылды. Кызматтык ит жоголгон жарандын жытын алып, анын сөөгүн Көкөмерен суусунун боюнан тапкан. Учурда издөө иштери анын уулун табууга багытталды.
Эске салсак, дайынсыз жоголгон ата-бала 16-октябрдан бери изделүүдө. Издөө иштерине укук коргоо органдарынын кызматкерлери, ыктыярчылар жана жергиликтүү тургундар тартылган.
