Баткендик журналист Арзыгүл Галымбетованын өлүмүнө шектелип деп кармалган блогер Батмакан Жолболдуева үй камагына чыкканы маалым болду. Тиешелүү чечимди 18-августта Баткен райондук соту чыгарган. Бул боюнча облустук соттун басма сөз катчысы Замир Ормонов билдирди.
Эске салсак, журналист Арзыгүл Галымбетова 25-март күнү кечке жуук өзүн жаман сезип ооруканага кайрылган жана көпкө узабай каза болгон. Журналист Галымбетова каза болгонго чейин Батмакан Жолболдуева анын абийирине шек келтиргенин өзүнүн социалдык баракчасы аркылуу айтып чыккан, ошол эле учурда арыз менен милицияга билдирүү жасаганын да тастыктаган.
Баткен облустук ички иштер башкармалыгы, блогер Жолдубаеваны 2022-жылдын 28-мартында камакка алган жана ага карата Кылмыш-жаза кодексинин «этиятсыздыктан өлүмгө алып келүү”, «жеке жашоонун кол тийбестигин бузуу”, “документтерди жасалмалоо” жана “бейбаштык” беренелери менен кылмыш ишин козгогон.
Журналисттин өлүмүнө шектелип кармалган блогер үй камагына чыкты
