Сокулук райондук сотунун өкүмү менен кулак-мурду кескиленген Асел Ногойбаеванын мурдагы күйөөсү 20 жылга эркинен ажыратылды.
Мындан сырткары Азамат Эстебесов мамлекетке 80 миң сом айып пул, моралдык зыян үчүн Аселге 2 млн. сом төлөөгө милдеттендирилди. Жабырлануучунун адвокаты өмүрүнүн аягына чейин камоону, прокурор 20 жылдык жаза сураган.
Асел Ногойбаеванын жакыны сот шектүүгө акыркы сөз бергенде, соттон аз жаза берүүнү суранган видеосун жарыялады. Видеодон шектүү «5 жылдан кийин оңолуп кетишим мүмкүн. Ошондуктан ырайым кылып, аз жыл берүүңүздү суранам» деп жатканын угууга болот.
