Кант шаарынын тушундагы айланма жолдо болгон кырсыктан 5 адам көз жумду. Бул тууралуу 7-каналга Саламаттык сактоо министрлигинин маалымат кызматынан тастыктады.
«Төрт адам ооруканага жаткырылды. Бирөө жандандыруу бөлүмүндө, абалы оор. Үчөөнүн абалы орточо оор. Калганы амбулатордук дарыланууга жөнөтүлдү»,- деп берилет билдирүүдө.
Ысык-Ата районундагы жалпы дарыгерлик практика борборунун маалыматына караганда, төрт адам кырсык болгон жерде мүрт кеткен, бешинчиси ооруканадан каза болгон. Андан тышкары, кырсыктан 13 адам жабыркаган.
Эске салсак, бүгүн, 26-январда, айланма жолдо Honda Odysseу жана Mercedes Sprinter үлгүсүндөгү унаалар кагышкан.
