Баткен шаарынын мэринин 47 жаштагы айдоочусу кызматтык унаа менен окуучу баланы сүзүп кеткен. Бул тууралуу ОИИБдин басма сөз кызматы билдирди.
«Айрым маалыматтарга караганда, шаар башчысынын айдоочусу анын тууганы болот. Учурда «Тойота Камри» автоунаасы айып короосунда. Иштин материалдары тергөө кызматына өткөрүлүп берилет», — деп билдиришти ведомстводон.
Жабыркаган 13 жаштагы бала облустук оорукананын реанимация бөлүмүндө, абалы оор.