15 жаштагы курбулар Иманказы кызы Зыйнат жана Замирбек кызы Айсезим изделүүдө. Бул тууралуу Сокулук райондук ички иштер бөлүмү билдирди.
Маалыматка ылайык, алар 14-ноябрда саат 13:00дө Военно-Антоновка айылында үйдөн чыгып кеткен бойдон кайра келишкен эмес.
Иманкул кызы Зыйнат. Белгилери: бою болжол менен 155 см, көздөрү күрөң, чачы кара, уун, арык чырай, бети сүйрү, кара тору.
Өзгөчө белгилери: оң колунун сөөмөйүндө тырыгы бар.
Кийими: үстүндө кара-жашыл үстөгү кышкы куртка , ак джынсы шым, кара кроссовка.
Замирбек кызы Айсезим. Белгилери: бою болжол менен 150 см, көзү күрөң, чачы кара, узун, орто дене түзүлүштө, бети сүйрү, ак жуумал.
Өзгөчө белгиси: мурдунун оң жагында кичинекей меңи бар.
Сезонго жараша кийинген.
Бул кыздарды көргөн-билгендер болсо төмөнкү номерлер аркылуу Сокулук райондук ИИБге кабарлап коюңуздар: 0(312) 60-75-67, 0(700) 63-63-00, 0(701) 80-18-03.
