16 жыл мурун кудасы тарабынан зордукталган аял полицияга арыз менен кайрылды. Бул тууралуу жергиликтүү маалымат булактары жазып чыгышты.
Маалыматка ылайык, кечээ, 8-апрелде Ички иштер министрлигинин нөөмөт бөлүмүнө 1991-жылы туулган К.А. аттуу кыз арыз жазган. Аны 2005-жылы Ысык-Көл облусунун Каракол шаарында кудасы зордуктап салган, бирок ал учурда ИИМге кайрылган эмес.
Анын айтымында, зордуктоо учурунда ал 14 жашта болгон. Эми ал Айзада Канатбекова менен болгон кайгылуу окуядан кийин полицияга кабарлоону чечкен.
«Арыз катталып, иштин материалдары Ысык-Көл облусунун Ички иштер башкармалыгына жөнөтүлдү. Милиция кызматкерлери арыз ээсинин мурунку дарегине барып бул тууралуу апасынан сурашкан, бирок апасы эмне болуп жатканынан кабары жок жана кызынын зордукталышы тууралуу эч нерсе билбей тургандыгын айткан», — деп жазылат маалыматта.