Кыргызстанда 2022-2023-жылдардын кышкы туристтик сезонунун расмий ачылышы 17-декабрда өтөт. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди.
Маалыматка ылайык, Маданият, маалымат, спорт жана жаштар саясаты министрлигине караштуу Туризм департаменти ата мекендик жана эл аралык өнөктөштөр менен биргеликте “ЗИЛ тоо лыжа базасында” Кыргызстандын 2022–2023–жылдарга карата кышкы туристтик мезгилинин расмий ачылыш аземин өткөрөт.
Бул иш чаранын алкагында интерактивдүү элементтерди камтыган лыжа тебүүнү сүйүүчүлөрдүн оюн-зооктору, эс алуучулар арасында түрдүү сынактар, өнөрпоздордун катышуусундагы концерттик программа жана башка көптөгөн кызыктуу оюндар жана конкурстар уюштурулуп, түрдүү байгелерди утуп алуу мүмкүнчүлүгү түзүлмөкчү.
«2022-2023-жылдардын карата кышкы туристтик мезгилинин расмий ачылыш аземина кош келиӊиздер!»,- деп берилет билдирүүдө.