Кой-Таштагы №73809 аскер бөлүгүнүн анык мөөнөттө кызматын өтөп жаткан 22 жаштагы Ж.Э. кокустан өзүн атып алган. Бул маалыматты Коргоо министрлигинин коомчулук менен байланышуу кызматы билдирди.
Окуя 4-июлда саат 02:00дөр чамасында катталган. 22 жаштагы жоокер постто сакчылык кызматын өтөп жатып, курал колдонуудагы байкабастыктан улам өзүнө ок чыгарып алган. Жоокер алган жаракатынан улам каза болгон.
Факты катталган жерде Куралдуу күчтөрүнүн Генералдык штабынын жетекчилиги, Аскердик прокуратурасынын кызматкерлери, Аламүдүн райондук милициясынын эксперттери жана №02625, №73809 аскер бөлүгүнүн командачылыгынын курамынан түзүлгөн комиссия иштеп жатат.