Сокулук районунда алдамчылыкка шектүү жаран кармалды. Бул тууралуу Чүй ОИИБнын басма сөз кызматы билдирди.
Маалыматка ылайык, ушул жылдын 17-февраль күнү Сокулук РИИБүнө 1975-жылы туулган жаран К.А. арыз менен кайрылып, чала тааныш эркек кишиге жана аны менен чогуу жүргөн бир топ жарандарга чара көрүп берүүнү суранган.
Анткени алар жабырлануучуга 2021-жылдын ноябрь айында анын ишеничинен толук кыянаттык кылып пайдалынышып, алдоо жолу менен Ново-Павловка айыл өкмөтүнө караштуу айыл-чарба багытындагы жер тилкесин үй салууга мүмкүн экендигине шылтоо кылышып сатышкан. Найтыйжасында жабырлануучуга 450 000 ашык акча каражатына зыян келтиришкен.
Бул факты Кылмыштардын бирдиктүү реестрине Кылмыш-жаза кодексинин 209-беренеси (Алдамчылык) боюнча катталып, сотко чейинки өндүрүш иштери башталган.
Жүргүзүлгөн ыкчам тергөө иш-чараларынын натыйжасында жогорудагы кылмышка шектелип, 1970-жылы туулган А.Т. аттуу жаран кармалып, убактылуу кармоочу жайга камакка алынган.
Учурда сотко чейинки өндүрүш иштери улантылууда.