Блогер Бекболот Турдуш изделип жатат. Бул тууралуу Ысык-Көл ОИИБден билдиришти.
«26-сентябрда арыз менен Түп районунун 1965-жылы туулган тургуну кайрылган. Ал 25-сентябрь күнү саат 15:00 чамасында Каракол шаарынан 2012-жылы туулган баласы дос балдарына жолугуп келем деп кеткен бойдон дайынсыз жок болуп жататкандыгын билдирген»,- деп берилет маалыматта.
Аталган билдирүү Каракол ШИИБге катталып, издөө иштер жүргүзүлүүдө.
Эске салсак, Бекболот 2021-жылы айылдагы мектебинин эскилиги жеткенин айтып, эки кабат мектеп салып бериңиз деп президентке кайрылгандан кийин интернет жылдызына айланган. Андан соң Садыр Жапаров окуучу менен жолуккан.
