Райым Матраимовдун жалпы баасы 88 млн АКШ долларын түзгөн мүлкүнүн, 34 млн 810 миң 500 АКШ доллары мамлекеттин менчигине өткөрүлүп берилди. Бул тууралуу 7-каналга УКМКдан билдиришти.
«Р.Матраимов жана анын жакын санаалаштары тарабынан мыйзамсыз жол менен алынган мүлктөрдү мамлекеттин менчигине кайтарып алуу боюнча тиешелүү ыкчам иш-чаралары жүргүзүлүп, жалпы баасы 88 млн АКШ долларын түзгөн мүлкүнүн, 34 млн 810 миң 500 АКШ доллары (3 млрд 98 млн 134 миң сом) мамлекеттин менчигине өткөрүлүп берилди»,- деп билдиришти УКМКдан.
Учурда Матраимовдун калган мүлктөрүн кайтаруу процесси жүрүп жатат, аны менен катар дагы башка мүлктөрүн аныктоо иштери улантылууда.
