Бишкек-Ош унаа жолундагы жол кырсыгынан 2 адам каза болду. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 11-март күнү саат 15:40 чамасында Бишкек-Ош унаа жолунда жол кырсыгы катталды.
Кырсыктын кесепетинен 2 эркек киши каза болду. Ал эми 5 адам ар кандай жаракаттарды алышып, Токтогул райондук ооруканасына жеткирилген.
Куткаруучулар каза болгон адамдардын жансыз денелерин унаадан чыгарып Ички иштер министрлигинин кызматкерлерине өткөрүп беришкен.
