Мектептерде жакшы окуткан мугалимдер 120 миң сомго чейин айлык алышы мүмкүн. Бул үчүн быйыл сентябрдан тарта жалпы мугалимдердин билим деңгээлин аныктоо үчүн республикалык тестирлөө өтөрүн билим берүү министри билдирди.
«Ошондо ЖОЖдордун рейтинги чыгат. Кандай окутуп жатканы, кайсы жерде кемчилик болгону аныкталат. Ошого жараша мугалимдердин муктаждыгы чыгат да, биз аларга дүйнөлүк онлайн курстарды беребиз. Экинчиден, окуучулардын билим деңгээлине жараша эмгек акы төлөй баштайбыз. Базалык эмгек акы кала берет, мисалы, ал 20 миң сом болсо, мугалим жакшы натыйжа берсе, 120 миң сомго чейин айлык ала берет. Бул билим берүүнүн сапатын көтөрүүгө дем берет», — деди Догдуркүл Кендирбаева.
