Талас облусунда темир-бетон буюмдар заводу курулууда. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Завод Талас районуна караштуу Манас айылында курулууда. Ал үчүн Талас райондук өнүктүрүү фондусунан 13,5 млн сомдук долбоор жактырылып, акча каражаты бөлүнүп берилген. Темир-бетон буюмдар заводу ийгиликтүү ишке берилсе, андан Г-12, Г-15, ЛР- 40, ЛР-60 бетон латокторун чыгаруу пландалууда.
Аталган темир-бетон буюмдар заводунун тийиштүү архитектуралык керектелүүчү иш кагаздары Талас районунун шаар куруу жана архитектура боюнча башкармалыгы тарабынан даярдалган.
Бүгүнкү күнгө карата темир-бетон буюмдар заводунун курулуш иштери аяктоо алдында турат.
