Өзгөчө кырдаалдар министринин орун басары, полковник Урматбек Шамырканов Баткен облусунун аймагында сел келген аймактарды кыдырууда. Жеринде ӨКМдин Мониторинг департаменти, шаардык мэриянын кызматкерлери менен кошо тактоо иштери жүргүзүлүүдө.
5-май күнү нөшөрлүү жааган жаандан улам Раззаков шаарынын аймагында да сел суулары келген. ӨКМ куткаруучулары жана Жарандык коргонуу кызматтары жумуш алып барууда. Ал эми бүгүн Лейлек району жана Сүлүктү шаары боюнча жалпы 33 куткаруучу тартылды.
Маалым болгондой, Чыгыш көчөсүндө сел суулары кирген турак үйлөр негизинен селдин нугуна мыйзамсыз салынган. Министрдин орун басары жергиликтүү эл менен жолугушуп, селдин нугун ачуу зарылчылыгын түшүндүрүп, бул боюнча тиешелүү тараптарга тапшырмаларды койду.
