Дүйнөдө популярдуу D Billions тобу Кыргызстан жөнүндө англис тилинде ыр ырдап, клип тарттырды.
Клипте Кыргызстандын кооздугу жана жаратылышы көрсөтүлгөн. Учурда ар кайсы өлкөнүн жарандары клип тууралуу жакшы пикирлерин калтырууда.
Ар түрдүү темада балдар ырларын аткарып, аны эл аралык аянтчаларга чыгарган D Billions музыкалык тобу 2019-жылы түзүлгөн. Топтун YouTube каналын Эрнис Уметалиев негиздеген.
YouTube каналына үч жыл мурда жүктөгөн алгачкы видеосу 83 миллиондой көрүнгөн. Айрым видеолору 2,5 миллиарддан ашык көрүүчү топтогон. Негизги топто төрт артист ыр-бий аткарганы менен учурда 70ке жакын адам көшөгө артында эмгектенет.
