Лейлек районундагы жашыруун диний билим берүү мекемесинин ишмердүүлүгүнө бөгөт коюлганын УКМК билдирет.
Раззаков шаарындагы Дин иштери боюнча мамлекеттик комиссиясы менен биргеликте Баткен облусундагы «Ан-Нисаа» диний окуу борборунун ишмердүүлүгү токтотулду.
Бул окуу борбору Дин иштери боюнча комиссиянын каттоосунан өтпөстөн, аялдарга жана өспүрүмдөргө диний сабактарды өткөргөн. Анда жалпы окуучулардын саны 60 болсо, 40ка жакыны жашы жете элек балдар.
Диний адабияттар боюнча тиешелүү экспертизалар дайындалды. УКМК расмий каттоосу жок көмүскө иштеп жаткан ушул сыяктуу диний жайларга, билим берүү борборлоруна жана лекцияларга барбоо керектигин эскертет.
