Борбор Азиядагы адам укуктары боюнча конгресстин координатору, мурдагы омбудсмен Турсунбек Акун: Кемпир-Абад маселеси боюнча күнөөлөнүп келген 22 адамдын баарын Биринчи май районунун соту Марат Сыдыков 14-июнда актаганын – бул адам укуктарын коргоочуларынын дагы, жарандык коом менен бийликтин дагы жетишкендиги деп баалаш керек. Сот чечимине көп макул болбогону менен, бийликтин ага баш ийгени дагы – чоң ийгилик.
Борбор Азиянын башка жумурияттарынын эксперттери дагы: «Демократия жолунда Кыргызстан лидер экенин дагы бир жолу көрсөттү», – деген пикир айтып жатат. Анткен менен, бул тирешүүдө жарандык активисттер тарабынан дагы, бийликтин да аракеттеринде мүчүлүштүктөр болгон, эми анын баарын четке коюп, бир-бирине кечиримдүү болуп, коом менен мамлекеттин нукура кызыкчылыгын көздөгөн аракеттерге өтүш керек. Жарандык коомубуз дагы өтө эле саясатташып кеткен, бийликти: «Кетсин!», – дебей, кеңеш айтып өнүккөнүбүз жакшы…
