Быйыл Кыргызстан Кытайга 50 миң тонна өрүктү экспорттойт. Продукциянын сапатын камсыз кылуу жана бардык зарыл эл аралык стандарттарды сактоо маселелерине өзгөчө көңүл бурулду.
Tianhuan ECO International Economy & Trade Nanjing Co. Ltd компаниясы менен «Агро Баткен» ЖЧКсынын ортосунда Кытайга ири көлөмдө өрүк жеткирүү боюнча келишимге кол коюлду. Бул айыл чарба тармагында эки тараптуу кызматташуунун жогорку мүмкүнчүлүгүн көрсөтөт.
Жолугушууда Кыргызстандан Кытайга дарбыз жана бакча-жемиш продукцияларын экспорттоо боюнча кызматташуунун келечеги жана мүмкүнчүлүктөрү талкууланды.
