17-июлда Кыргызстандын Бириккен Улуттар Уюмунун (БУУ) Нью-Йорк шаарындагы туруктуу өкүлү, экс-депутат Аида Касымалиеванын ата-энеси Ысык-Көлдөгү жол кырсыгында каза тапканы маалымдалган.
Жол кырсыгында Ош облустук китепканасынын директору 68 жаштагы Бактыгүл Мырзаева анын жолдошу жана 9 жаштагы небереси мүрт кеткен.
18-июлда жол кырсыгынан жабыркап, ооруканага жеткирилген дагы эки небереси каза болгону маалымдалды. Анын бири 9 жаштагы эгиздин түгөйү жана 14 жаштагы өспүрүм кайтыш болду. Унаада жубайлардан тышкары беш бала болгон. Беш баланын баары Аида Касымалиеванын агасы Мыктыбек Касымалиевдин балдары.
Учурда 14 жаштагы кыз реанимация оор абалда жатат, ал эми 17 жаштагы өспүрүм палатага которулган.
