Бүгүн, 5-сентябрь күнү саат 20:00дө Ала — Тоо аянтында бардык футбол күйөрмандары үчүн Иран жана Кыргызстан улуттук курама командаларынын беттешин бирге көрүүгө фан-зона уюштурулат.
Улуттук курама команда 2026-жылы өтө турган Дүйнө Чемпионатынын тандап алуу оюндарынын үчүнчү айлампасында өз сапарын баштайт.
Фан-зонада кызыктуу шоу-программа, оюн аянтчалары, баалуу белектер менен ойнотулган конкурстар өтөт.
Шоу-программанын алкагында эстрада артисттери — Баястан, Nilo жана Айым Айылчиева ырдайт. Иш-чарага кирүү акысыз.
