Бүгүн Бишкек – Ош унаа жолунда 750 метрлик туннелдин курулушуна старт берилди. Бул тууралуу Транспорт жана коммуникациялар министрлиги билдирет.
Министр Абсаттар Сыргабаев узундугу 750 метр болгон тоннелдин курулушу заманбап япон технологияларын колдонуу менен жүзөгө ашырыла турганын белгиледи.
«Өлкөнүн түндүгү менен түштүгүн бириктирип турган негизги жолдун басымдуу бөлүгү тоолуу аймактар аркылуу өтөт. Мындан улам министрлик үчүн башкы милдет жол тармагын өнүктүрүү, жүктөрдү жана жүргүнчүлөрдү үзгүлтүксүз ташуу жана алардын коопсуздугун камсыз кылуу, — деди министр.
Белгилей кетсек, тоннель Бишкек – Ош автожолунун 400-чакырымына салынат.
