Бишкекте мамлекеттик катчы Марат Иманкуловдун төрөгалыгында Мамлекеттик гимндин жаңы редакциядагы текстинин жана музыкасынын мыкты долбоорлорун тандоо боюнча ведомстволор аралык комиссиянын 4-отуруму өттү. Бул тууралуу мамлекеттик катчы социалдык тармакка жазды.
Маалыматка ылайык, сынакка 16-июндан 17-июлга чейин жазуу түрүндө жана электрондук почта аркылуу 79 жарандан 132 долбоор келип түшкөн.
Комиссия сынактын 1-этабында эң жогорку упай алган 5 тексттин долбоорун тандап алды.
Тандалып алынган 5 мыкты долбоорго музыкалык чыгарманы жаратуу боюнча кайрадан сынак жарыяланат.
