Кыргыз мамлекеттүүлүгүн түптөөгө жана өнүктүрүүгө зор салым кошкон мамлекеттик ишмер Алымбек датка Асан бий уулунун 225 жылдык мааракеси улуттук деңгээлде өткөрүлүп баштады.
Президенттин Ош облусундагы өкүлчүлүгүнөн билдиришкендей, мааракелик иш-чаралар күн мурун Чоң-Алай районундагы Ленин чокусуна жакын жайгашкан альпинисттик лагерде туристтик фестивалдын ачылышы менен башталды.
Иш-чаранын алкагында улуттук боз үйлөр тигилип, кол өнөрчүлүк жана сүрөт көргөзмөлөрү уюштурулду. Алымбек датканын эмгектерин чагылдырган сахналык эпизоддор көрсөтүлүп, концерттик программа тартууланды.
Мааракеге арналган иш-чаралар жыл ичинде Алай районунда жана Ош шаарында улантылат.
