Эттин баасына мамлекеттик көзөмөлдөө киргизилет. Мындай чечим суу ресурстары, айыл чарба жана кайра иштетүү министри Бакыт Төрөбаевдин жыйынында кабыл алынды.
Эттин баасынын өсүшүнө жол бербөө жана малдын чек арадан кирип-чыгышын контролдоо үчүн өлкө аймагында эттин баасына үзгүлтүксүз мониторинг жана анализ жүргүзүп туруу Монополияга каршы жөнгө салуу кызматына жүктөлөт.
Ветеринария, мал чарбасын өнүктүрүү, жайыт жана тоют кызматына мал ташуучу жеке ишкерлердин ветеринардык-санитардык көзөмөлүн күчөтүү, Чек ара кызматы менен биргелекте аткезчилик менен күрөшүү боюнча конкреттүү тапшырмалар коюлду.
