Министрлер Кабинетинин Төрагасы Адылбек Касымалиев мамлекеттик кызматкерлерди кан тапшырууга жана ыктыярдуу донор болууга чакырып, активдүү жарандык позицияны көрсөтүүгө үндөдү. Бул тууралуу Дайырбек Орунбеков социалдык баракчасына жазды.
Минкабдын жетекчисинин айтымында, кан тапшыруу – адамдын өмүрүн сактап калууга жардам берген асыл иш. «Ар бир тамчы кан – бул кимдир бирөө үчүн жашоо. Мамлекеттик кызматкерлер коом алдында үлгү болушу керек», – деди Адылбек Касымалиев.
Ал ошондой эле мамлекеттик мекемелерде кан тапшыруу өнөктүктөрүн уюштурууну жана кызматкерлерге бардык шарттарды түзүүнү тапшырды.
