Бүгүн, 21-ноябрда Ош шаарынын мэриясынын автогаражы таанылгыс болуп өзгөрдү. Бул тууралуу маалыматтык камсыздоо бөлүмү билдирет.
Маалыматка ылайык, капиталдык ремонттон өткөрүлгөн Ош шаарынын мэриясынын алдындагы автогараждын ачылышы болуп, ишке берилди. Иш-чарага мэр Жеңишбек Токторбаев катышты.
Кезинде мэр Жеңишбек Токторбаев рейддик кыдыруу менен келген учурда каралбай, таланып тонолгон, союз кезинде курулган бойдон оңдолбогон обьектти көргөн. Ичинде жана сыртында жеке устаканалар иштеп, гаражда эски унаалар таштандылар менен аралашып жатканына күбө болгон.
Мындан улам облустун балансындагы бул автогаражды мэрдин демилгеси менен Ош шаарынын мэриясынын карамагына өткөрүлдү. Андан соң дароо оңдоп-түзөө иштери башталып, кароосуз калган автогараж толугу менен жаңыланды.
