Жогорку Кеңештин депутаттарын мөөнөтүнөн мурда шайлоо күнү одоно мыйзам бузуулар катталган жок. Бул тууралуу ИИМ басма сөз катчысы Султан Макилов “Биринчи радиого” билдирди.
Анын айтымында, шайлоо күнү мыйзам бузуу боюнча келип түшкөн ар бир маалымат текшерилип, юридикалык баа берилет.
“Шайлоо күнү мыйзам бузуу боюнча 79 маалымат келип түшкөн. Келип түшкөн 79 маалыматтын ичинен көбүнчөсү шайлоо күнү үгүт иштеринин эрежелеринин бузулушу боюнча болду. Кечээ бир топ маалыматтар боюнча чечимдерди кабыл алдык. Бүгүн да түшкөн маалыматтар боюнча чечимдерди кабыл алып, жоопторун беребиз.
БШКнын сайтында реестрлер деген бөлүм бар. Ал бөлүмгө буга чейинки шайлоолорго жана кечээки шайлоого келген бүт арыз-дооматтардын бардыгы чыгарылат. БШКга, ИИМге келген ар бир арыз-доомат жана ага карата кандай чечим кабыл алынганы ошол реестрде көрсөтүлүп турат”,- деди Макилов.
