К. Каниметов атындагы №1 мектеп-интернатта «Жаш мугалим» программасынын катышуучулары тестирлөөдөн өткөрүлүүдө. Бул тууралуу мэриядан билдиришти.
Маалыматта белгиленгендей, бул программа муниципалитеттин каражаттынын эсебинен ишке ашырылууда. Анда жаш педагогдорду колдоого, алардын билим берүү уюмдарында ийгиликтүү иш баштоосу үчүн шарттарды түзүүгө көңүл бурулат.
Тестирлөө жаш адистердин шаар мектептеринде иштөөгө даярдык деңгээлин объективдүү баалоого мүмкүндүк берет.
Билим берүү департаменти жаш кадрларды колдоо боюнча чараларды туруктуу түрдө улантып, алардын кесиптик өсүүсү жана өнүгүүсү үчүн мүмкүнчүлүктөрдү түзөт.
