2025-жыл орус-кыргыз мамилелеринин өнүгүшүндөгү маанилүү жана этаптуу жыл болду, бул тууралуу Орусиянын Кыргызстандагы атайын жана ыйгарым укуктуу элчиси Сергей Вакунов брифингде билдирди.
Ал мамлекеттер Түбөлүк достук жөнүндө декларацияга кол коюлганынын 25 жылдыгын белгилегенин эске салып, Жапаров менен Путиндин мамилеси чыныгы достук жана өнөктөштүккө негизделгенин кошумчалап өттү.
«Стратегиялык өнөктөштүк мындан ары да ушул ыргакта уланарына ишенем. Анткени анын башатында мамлекет башчылардын өз ара мамилеси турат. Экономикалык өнүгүү боюнча биздин көз караштар жана стратегиялар көп жерде дал келет. Мындай шартта кызматташтыкты бекемдөө үчүн чоң мүмкүнчүлүк бар”, — деген ал өз сөзүндө.
