Президент Садыр Жапаровдун тапшырмасына ылайык, Жакынкы Чыгыштагы бир катар өлкөлөр, анын ичинде Сауд Арабия Падышалыгы, Бириккен Араб Эмираттары, Оман Султанаты менен кыргыз жарандар үчүн эвакуациялоо рейстерди уюштуруу боюнча сүйлөшүүлөр жүрүүдө. Бул тууралуу ТИМдин басма сөз кызматы маалымдайт.
«Чыгыш мамлекеттеринин аймагында жүргөн жарандарга этият болууну, эл көп чогулган жерлерден жана кооптуу аймактардан оолак болууну, жергиликтүү бийлик органдарынын жана укук коргоо органдарынын коопсуздукту камсыз кылуу боюнча талаптарын так сактоону, өздүгүн тастыктаган документтерди жана дипломатиялык өкүлчүлүктөрдүн байланыш номерлерди дайыма жанында алып жүрүүнү, ошондой эле расмий билдирүүлөрдү көзөмөлдөөнү сунуштайбыз», — делет маалыматта.
