Төрага Марлен Маматалиев Астана шаарындагы негизги көчөлөрдүн бирине белгилүү коомдук-саясий ишмер Жусуп Абдрахмановдун ысымын ыйгарууну сунуштады.
Маматалиев Стамбул шаарында Казакстан Мажилисинин төрагасы Ерлан Кошанов менен жолуккан. Жолугушууда эки өлкө ортосундагы саясий-экономикалык, маданий-гуманитардык алакаларды арттыруу маселеси талкууланып, тараптар парламенттер аралык кызматташтыкты өнүктүрүү боюнча да ой бөлүштү.
Белгилей кетсек, Жусуп Абдрахманов — кыргыз мамлекеттүүлүгүнүн негиздөөчүлөрүнүн бири. Ал 1930-жылдардагы ачарчылыкта миңдеген адамдарды, анын ичинде Казакстандан келген качкындарды ачкачылыктан сактап калган.
