Бишкек шаарындагы Жаштык Аренада 5-ноябрда “Кыялымдагы Кыргызстан” жаштар форуму өттү.
Маданият министрлиги маалымдагандай, иш-чарага Жогорку Кеңештин Төрагасы Марлен Маматалиев, маданият министри Мирбек Мамбеталиев жана өлкөнүн бардык аймактарынан келген жаштар катышты.
Иш-чаранын алкагында бир катар жарандарга “Жаштар саясатынын отличниги” төш белгиси тапшырылды. Ал эми 12 жогорку окуу жайы катышкан чыгармачылык сынакта Кыргыз экономикалык университети биринчи орунду ээледи. Экинчи орунду Кыргыз-Түрк Манас университети, үчүнчү орунду Бишкек мамлекеттик университети алды.
