30-апрелде Бишкектин түштүк тарабындагы Боз-Бөлтөк тоосунун аймагында ири ишембилик – “Таза из” акциясы өтөт. Бул тууралуу Экология министрлиги билдирди.
Маалым болгондой, коомдук уюмдар, жаштар кыймылдары жана бардык кайдыгер эмес жарандар экологияны сактоого салым кошууга чакырылууда.
Маалыматка ылайык, каалоочулар саат 08:00дө Эркиндик бульвары, 2 дарегинде чогулат. Ишембилик өтө турган жерге жетүү үчүн атайын транспорт уюштурулат.



