Бүгүнкү күнгө карата өлкө аймактары боюнча жалпы 110,2 чакырым жолдорго асфальт-бетон катмары төшөлдү. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, былтыр ушул мезгилге карата 40 чакырым жол асфальтталган.
“Битум менен 12 763 тонна камсыздалды. Сатып алынган битумдар асфальт-бетон заводдоруна чейин жеткирилүүдө. Жалпысынан, Титулдук тизмеге кирген региондордогу бардык унаа жолдорунда планга ылайык иштер аткарылууда”, — деп берилет маалыматта.
