Кыргыз футбол биримдигинин шайлоо комитети жетекчилик кызматтарга талапкерлерди бекитти. Бул тууралуу аталган биримдик билдирди.
Маалым болгондой, министрлер кабинетинин төрагасы Адылбек Касымалиев биримдиктин башчылыгына жалгыз талапкер болуп көрсөтүлдү. Шайлоо 12-майда КФБнын конгрессинин алкагында өтөт.
Ал эми биримдиктин аткаруу комитетинин мүчөлүгүнө Акылбек Маматов жана Жохан Ералхановдун талапкерлиги көрсөтүлдү.
Улуттук коопсуздук боюнча мамлекеттик комитеттин (УКМК) мурдагы төрагасы Камчыбек Ташиев Кыргыз футбол биримдигинин президенти кызматынан кеткенин уюмдун 15-апрелдеги кезектеги конгрессинде билдирген.
Эскерте кетсек, Ташиев 2024-жылдын 19-февралынан тартып биримдикти жетектей баштаган.
