Президент Садыр Жапаров “Ош шаарында сатуудан алынуучу салыктан жана бирдиктүү салыктан түшүүлөрдү бөлүштүрүү боюнча пилоттук долбоорду өткөрүү жөнүндө” Жарлыкка кол койду.
Жарлыкка ылайык, Министрлер Кабинетине 2026-жылдын 1-июнунан 2027-жылдын 1-июнуна чейинки мезгилде Ош шаарынын жергиликтүү бюджетине төмөнкүдөй пропорцияларды караган сатуудан алынуучу салыктан жана бирдиктүү салыктан түшүүлөрдү бөлүштүрүү боюнча пилоттук долбоорду өткөрүү тапшырылды:
* сатуудан алынуучу салыктын 50 %ы;
* бирдиктүү салыктын 15 %ы.
Пилоттук долбоордун жүрүшүндө шаардык жергиликтүү бюджетке болжол менен 2 млрд сом түшүүсү күтүлүүдө. Эске салсак, буга чейин, 2025-жылдын август айында Мамлекеттик салык кызматынын төрагасы Алмамбет Шыкмаматов Ош шаарындагы жаңы борбордук базарда жүргүзүлгөн рейддик иш-чаралардын жүрүшүндө сатуудан алынуучу салыкты децентралдаштыруу боюнча пилоттук долбоорду ишке ашыруу боюнча демилгесин сунуштаган.
Ал мындай чара көмүскө экономиканы кыскартууга, «көмүскө» схемаларга каршы күрөштү күчөтүүгө өбөлгө түзүп, келечекте жергиликтүү бийлик органдарынын кирешесин көбөйтөрүн белгилеген.
Посмотреть эту публикацию в Instagram
