Агартуу министрлиги мектептердин алты күндүк окууга өтүшү боюнча түшүндүрмө берди. Бул тууралуу аталган министрликтен билдиришти.
Маалыматка ылайык, 2026–2027-окуу жылы 15-сентябрда башталгандыктан, окуу программасын толук өздөштүрүү үчүн 6–11-класстардын окуучулары сегиз ишемби күнү кошумча сабак окушат. Ал эми 1–5-класстар үчүн беш күндүк окуу тартиби өзгөрүүсүз калат.
Буга чейин министрлик 12 жылдык билим берүү системасына өтүүнүн алкагында алты күндүк окууну кайра киргизүү боюнча долбоорду коомдук талкууга чыгарган.
