Бүгүн биринчи жолу дайындалган 9 судья ант беришти. Бул тууралуу Жогорку соттон билдиришти.
Маалым болгондой, мамлекет башчысынын жарлыгына ылайык, алар жергиликтүү соттордун судьялыгына 5 жылдык мөөнөткө биринчи ирет дайындалышты.
Жаңы дайындалган судьялар төмөнкү сотторго жиберилди:
Баткен райондук соту — Букаев Кубанычбек Өскөнбекович, Зарипов Адилет Махаматович;
Сузак райондук соту — Асанакунова Назира Кудайбердиевна;
Араван райондук соту — Мээрим Жылдыз кызы;
Кара-Суу райондук соту — Абдылдаев Тилек Токторович, Өмүров Айбек Бактыбекович;
Өзгөн райондук соту — Абдыкалыкова Гүлзира Расуловна, Шаршеев Эрмек Муслимович;
Талас облусунун административдик соту — Кылычов Сыргак Сарыпбекович.
Иш-чарада Жогорку соттун төрагасы Медербек Сатыев жаңы дайындалган судьяларды куттуктап, аларды берген антына бек турууга жана адилеттүүлүктү камсыз кылууга чакырды.
