Филиппиндин Манила шаарында өткөн самбо боюнча Азия жана Океания чемпионатында кыргызстандык спортчулар 36 медаль жеңишти. Бул тууралуу Дене тарбия жана спорт мамлекеттик агенттиги билдирди.
Маалым болгондой, Кыргызстандын курама командасы жалпы командалык эсепте үчүнчү орунду ээледи.
Мелдеште кыргызстандык самбочулар 8 алтын, 9 күмүш жана 19 коло медаль жеңип алышты.
Чемпионаттын алтын байгелерин Дастан Исаков, Даниел Шаршенов, Куттубек Төлөшев, Бектен Эркебай уулу, Артур Манченко, Эмир Жаныбеков, Артур Сансызбеков жана Илья Сухинин жеңишти.
Самбо боюнча Азия жана Океания чемпионаты 25- 28-июнь күндөрү Филиппиндин Манила шаарында өттү.
