Бишкек шаарында коомдук транспортто жашы жете элек кызга карата укукка каршы аракеттерди жасаган деп шектелген жаран кармалды.
Милициянын маалыматына ылайык, окуя 28-июнь күнү саат 17:30 чамасында болгон. 15 жаштагы кыз автобустун арткы орундугунда бара жаткан учурда жанында отурган эркек киши ага адепсиз аракет жасаган.
Бул факты боюнча тергөөгө чейинки текшерүү башталып, жүргүзүлгөн ыкчам иш-чаралардын жыйынтыгында шектүү катары 35 жаштагы жаран кармалды.
Бишкек шаардык милициясы жарандарды, айрыкча балдарга карата жасалган укукка каршы аракеттер тууралуу дароо 102 кызматына билдирүүгө чакырды.
