Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Чүй региондук башкармалыгы Аламүдүн районундагы бир катар курулуш объектилеринде мыйзам бузууларды аныктады. Бул тууралуу Курулуш министрлиги билдирди.
Маалыматка ылайык, текшерүүнүн жыйынтыгында логистикалык-соода борборундагы кампалар, газоблок чыгаруучу завод жана аквапарктын курулушу Бирдиктүү мамлекеттик курулуш реестрине катталбастан жүргүзүлүп жатканы белгилүү болду.
Бул фактылар боюнча курулуш иштерин жүргүзгөн тараптарга протоколдор түзүлүп, жалпысынан 1 миллион сом өлчөмүндө айып пул салынды.
Мындан тышкары, мыйзам бузууларды жоюу боюнча милдеттүү көрсөтмөлөр берилип, курулуш иштерин мыйзам талаптарына ылайык жүргүзүү тапшырылды.
Посмотреть эту публикацию в Instagram
